كل فنّي تحتاجه،
قريب منك

كل فني يسجّل باسمه الكامل مثل ما بالهوية، ويصوّر هويته الوطنية (الوجه والظهر) بكاميرا التطبيق ويلتقط صورة لوجهه. فريق صلّوح يراجع هالمعلومات قبل ما يتفعّل حسابه. «موثّق» يعني تحققنا من هويته، أما مستوى شغله فتعرفه من صوره وتقييمات الزبائن.

صلّوح ما يحدد الأسعار. بعد ما يقبل الفني طلبك تتفاهمون بالدردشة داخل التطبيق أو على واتساب على الشغل والسعر والموعد، والدفع يكون بينكم مباشرة.

بكل محافظات العراق. التطبيق يحدد موقعك ويعرضلك الفنيين المسجّلين بمحافظتك حتى يكون الفني قريب منك. عدد الفنيين يختلف من محافظة لمحافظة، وكل ما ينضم فنيين جدد يطلعولك.

لا، مو قبل ما يقبل طلبك. رقم الهاتف والواتساب يبينون بس بعد القبول، ووقتها تنفتح الدردشة بينكم.

نزّل التطبيق واختار «أنا فني»، وسجّل بأربع خطوات: معلوماتك، صورة هويتك وصورة وجهك، خبرتك والمهن اللي تشتغلها، وصور من شغلك السابق. بعد مراجعة الفريق يتفعّل حسابك وتبدي توصلك طلبات زباين محافظتك.

من «حسابي» افتح «تواصل ويا الدعم» وسوِّ تذكرة، وفريق صلّوح يتابعها وياك داخل التطبيق. وقيّم الشغل بصراحة؛ التقييم يساعد غيرك، وأي إساءة بين الطرفين ممكن توصل لإيقاف الحساب.

صلّوح راح يكون متوفر قريباً على Google Play و App Store، وروابط التحميل تنحط بهالصفحة أول ما ينزل.